Overlege palliasjon

<strong>Vil du vere med å forme framtidas palliative teneste i Møre og Romsdal? </strong><br /><br />Ved Kreftavdelinga Ålesund sjukehus har vi ledig 100 % fast stilling som overlege i palliativt team frå 1. april 2027. <br />Vi søkjer ein engasjert og fagleg sterk lege som ønskjer å bidra til utvikling av palliasjon som fagfelt, og til å gi pasientar og pårørande behandling og oppfølging av høg kvalitet. <br /><br />Palliativ medisin er eit fagområde i sterk utvikling og omfattar avansert symptomlindring, medisinske vurderingar, kommunikasjon og tett samarbeid med både spesialist- og kommunehelsetenesta. Stillinga gir unikt høve til å arbeide breitt klinisk og samtidig bidra til fagutvikling, undervisning og samhandling på tvers av nivåa i helsetenesta. <br /><br />Vi lyser i utgangspunktet ut stillinga som ei fast 100 % stilling, men vi oppmodar også legar som ønskjer deltidsstilling eller kombinasjonsstilling til å søkje. Det kan vere aktuelt å dele stillinga mellom to søkjarar, om ein ser dette som mest hensiktsmessig gjennom søknads - og tilsettingsprosessen. <br /><br />Om palliativt team; <br />Palliativt team ved Ålesund sjukehus er organisert i Kreftavdelinga og arbeider tett saman med andre spesialistar, sjukepleiarar og andre faggrupper kring pasientar med alvorleg sjukdom og komplekse symptom. Teamet har ei sentral rolle i samhandlinga mellom sjukehuset og kommunane, og bidreg med rådgiving, rettleiing og kompetansebreidding til helsepersonell i heile regionen. <br />Arbeidet omfattar pasientar med kreftsjukdom, men og pasientar med andre alvorlege og livsavgrensande sjukdomar som har behov for spesialisert palliasjon.  <br />
<h3>Arbeidsoppgåver</h3><ul><li>Polikliniske konsultasjonar </li><li>Oppfølging av inneliggande pasientar ved Sengepost for kreft og blodsjukdommar, og ved andre avdelingar </li><li>Vurdering og prioritering av tilvisingar</li><li>Ambulant verksemd og heimebesøk  </li><li>Deltaking i tverrfaglege møte  </li><li>Rådgiving og rettleiing til helsepersonell i sjukehus og i kommunehelsetenesten</li><li>Undervisning og kompetansebygging innan palliasjon </li><li>Bidra til kvalitetsarbeid, fagutvikling og vidareutvikling av tenesta </li><li>Eventuell deltaking i forsking og innovasjonsarbeid </li></ul><h3>Kvalifikasjonar</h3><ul><li>Norsk autorisasjon som lege </li><li>Godkjend spesialist innan relevant fagområde. Særleg aktuelle spesialitetar kan vere onkologi, anestesiologi, indremedisin, allmennmedisin eller andre fagområde med relevans for palliasjon</li><li>Interesse for eller erfaring frå palliasjon </li><li>Gode ferdigheiter i norsk, både munnleg og skriftleg </li><li>Erfaring frå samhandling mellom kommune- og spesialisthelseteneste er ein fordel <br /></li></ul><h3>Personlege eigenskapar</h3><p>Vi ser etter deg som: </p><ul><li>har eit sterkt engasjement for pasientbehandling og livskvalitet </li><li>møter pasientar og pårørande med respekt, tryggleik og empati </li><li>trivst med tverrfagleg samarbeid </li><li>er fagleg nysgjerrig og ønskjer å vidareutvikle tenesta</li><li>arbeider sjølvstendig og strukturert </li><li>bidreg positivt til arbeidsmiljøet </li></ul><p>Å vere personleg eigna vert vektlagt ved tilsetting.</p><h3>Vi tilbyr</h3><ul><li>Ei spennande stilling i eit fagområde med aukande betydning i helsetenesta</li><li>Eit inkluderande og kompetent tverrfagleg fagmiljø </li><li>Varierte arbeidsoppgåver og høg grad av sjølvstende </li><li>Gode moglegheiter for kompetanseutvikling innan palliasjon <br /></li><li>Løn etter gjeldande overeinskomstar<br /></li><li>Medlemskap i god offentleg pensjonsordning og fordelaktige forsikringsvilkår</li></ul><p>Vi ber om at attestar og vitnemål vert lasta opp som vedlegg til søknaden din.</p><p><em>Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. <a href="https://www.visitnorway.no/reisemal/vestlandet/alesund-sunnmore/" rel="nofollow">Les meir om Ålesund og omland her</a>. </em></p><h3>Kontaktinformasjon</h3>Synnøve Haram Rotnes, Seksjonsleiar, 90140721, synnove.haram.rotnes&#64;helse-mr.no<br />
<h3>Arbeidsstad</h3>Åsehaugen 15<br />
6017 Ålesund<br />
<h3>Nøkkelinformasjon:</h3>Arbeidsgivar: Helse Møre og Romsdal HF<br />
<br />
Referansenr.: 5185242166<br />
Stillingsprosent: 100%<br />
Fast<br />
Søknadsfrist: 22.11.2026<br />
<br />

Lignende stillinger