Sjukepleiar

<p><strong></strong><strong>Barne- og ungdomsavdelinga, poliklinikken, har ledig fast 100 % stilling som sjukepleiar med oppstart snarast. </strong></p><p>Poliklinikken tilbyr utgreiing, behandling og oppfølging av barn og ungdom i alderen 0–18 år innan fleire pediatriske fagområde. Vi følgjer opp pasientar med både akutte og langvarige helseutfordringar, og har eit sterkt fokus på kvalitet, pasientmedverknad og gode pasientforløp.</p><p>Som sjukepleiar ved poliklinikken får du ein variert arbeidskvardag med høg grad av sjølvstende, tett samarbeid med legar og andre faggrupper, og moglegheit til å bidra til vidareutvikling av fag og tenester.</p><p>Den som får tilbod om stillinga, må leggje fram tilfredsstillande politiattest (vandel), jf. Lov om helsepersonell § 20a (gjeld arbeid med barn og personar med utviklingshemming). Attesten skal ikkje vere eldre enn tre månader. </p><p>Dersom det blir intern tilsetjing, kan det bli ledig eit vikariat i turnus. Vi ber søkjarane opplyse i søknaden om dei også ønskjer å bli vurderte for eit eventuelt vikariat. </p><br />
<h3>Arbeidsoppgåver</h3><ul><li>Variert og sjølvstendig arbeid knytt til drift av barnepoliklinikken, med moglegheit for fagleg utvikling og fordjuping. </li><li>Utføre sjølvstendige sjukepleiefaglege oppgåver og undersøkingar innan fleire pediatriske fagområde. Dette omfattar mellom anna ulike diagnostiske testar, prøvetaking, målingar, opplæring og behandling. </li><li>Gi opplæring, rettleiing og undervisning til barn, ungdom og føresette knytt til sjukdom, behandling, medisinsk teknisk utstyr og medikamenthandtering. </li><li>Ta imot og klargjere pasientar før konsultasjonar og undersøkingar. Dette omfattar mellom anna måling av vitale parameter, vekt og lengde, EKG og førebuing til ulike undersøkingar og behandlingar. </li><li>Delta i vidareutvikling av sjukepleiarrolla ved poliklinikken. Avdelinga arbeider aktivt med oppgåvegliding, og sjukepleiarar har eigne konsultasjonar innan utvalde fagområde. </li><li>Bidra i koordinering og planlegging av pasientforløp, inkludert operasjonsplanlegging og førebuing til undersøkingar og behandlingar som krev anestesi eller sedasjon. </li><li>Arbeide tett saman med legar og andre faggrupper for å sikre heilskaplege og gode pasientforløp.</li><li>Ivareta barn og ungdom i alle aldrar, samt deira føresette, på ein trygg og fagleg god måte.</li><li>Endringar i arbeidsoppgåver må kunne påreknast som følgje av utvikling i tenestetilbodet, organisering og prioriteringane i føretaket.</li><li>Den som vert tilsett vil, kunne få oppgåver knytt til koordinering av drift, fagutvikling og tenesteutvikling i samarbeid med seksjonsleiar</li></ul><h3>Kvalifikasjonar</h3><ul><li>Autorisasjon som sjukepleiar</li><li>Erfaring frå arbeid med barn og unge er ønskjeleg</li><li>Erfaring frå poliklinisk arbeid kan vere ein fordel</li><li>Må beherske norsk godt både munnleg og skriftleg</li></ul><h3>Personlege eigenskapar</h3><ul><li>Bidreg positivt til eit godt fagleg og kollegialt arbeidsmiljø. </li><li>Er samlande og samarbeidsorientert, med evne til å sjå heilskapen og bidra til felles mål på tvers av sengepost og poliklinikk.</li><li>Arbeider sjølvstendig, strukturert og ansvarsbevisst.  </li><li>Har gode kommunikasjonsevner og er fleksibel i møte med endringar. </li><li>Trivst i arbeid med barn, ungdom og føresette</li></ul><h3>Vi tilbyr</h3><ul><li>Høgt fagleg nivå</li><li>Varierte og spennande oppgåver</li><li>Lønn i samsvar med gjeldande overeinskomst</li><li>Gode pensjons- og forsikringsordningar</li><li>Triveleg arbeidsmiljø</li><li>Fagleg og personleg utvikling</li><li>Deltaking i fagleg nettverk</li><li>Moglegheit for videreutdanning<br /></li></ul><p> </p><p>Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.<br /></p><h3>Kontaktinformasjon</h3>Jorunn Sollid, Seksjonsleiar, 992 93 641<br />
<h3>Arbeidssted</h3>Svanehaugvegen 2<br />
6812 Førde<br />
<h3>Nøkkelinformasjon:</h3>Arbeidsgiver: Helse Førde<br />
<br />
Referansenr.: 5200763624<br />
Stillingsprosent: 100%<br />
Fast<br />
Søknadsfrist: 12.11.2026<br />
<br />

Lignende stillinger