Overlege

<p><strong></strong><strong>Er du lege og ønskjer ein meiningsfull arbeidskvardag med fleksibilitet, faglege utfordringar og god balanse mellom jobb og fritid?</strong></p><p>Vi har ledig ei fast legestilling (50 %) og søkjer ein lege med interesse for og motivasjon innan habiliteringsfeltet, som ønskjer å arbeide med vaksne pasientar med samansette behov i eit tverrfagleg miljø.<br /><br />Hos oss i Habilitering vaksne (HAVO) blir du ein del av eit kompetent og engasjert tverrfagleg team som arbeider for å gi eit heilskapleg tilbod til vaksne med utviklingshemming og andre medfødde eller tidleg erverva funksjonsnedsetjingar. Vi tilbyr spennande arbeidsoppgåver, fleksitidsordning og eit inkluderande arbeidsmiljø. Arbeidstida er på dagtid i vekedagane, og tenesta har både poliklinisk og ambulant verksemd.<br /><br />HAVO har 10 fagstillingar samansett av lege, psykologspesialist, spesialfysioterapeut, spesialergoterapeut og fagkonsulentar (vernepleiarar, pedagog, sosionom og barnevernspedagog). Utfordringane til pasientane er ofte komplekse og krev tett samarbeid internt i spesialisthelsetenesta, på tvers av fagområde og team i avdelinga, og mellom kommune- og spesialisthelsetenesta. Mange i målgruppa møter ulike utfordringar i overgangar gjennom livsløpet. Vanlege tilleggsvanskar kan vere utfordrande åtferd, motoriske vanskar, epilepsi, syndrom og psykiske vanskar.<br />Habiliteringsavdelinga er organisert under Medisinsk klinikk saman med mellom anna nevrologi, indremedisin og pediatri. Avdelinga består av Habilitering vaksne (HAVO), Habilitering barn og unge (HABU) og Lærings- og meistringssenteret (LMS). Vi er for tida lokaliserte på Raglamyr, men avdelinga flyttar til sjukehuset våren 2027.<br /><br />Den som får tilbod om stillinga, må leggje fram tilfredsstillande politiattest (vandelsattest), jf. helsepersonellova § 20 a.<br /><br /><em>Dette er ei spennande moglegheit for deg som ønskjer å kombinere klinisk arbeid, tverrfagleg samarbeid og fagleg utvikling innan eit viktig og meiningsfylt fagfelt.</em><br /><strong><br />Høyrest dette ut som ei stilling for deg? Då ser vi fram til å motta søknaden din. Oppstart etter avtale.</strong><br /></p><br />
<h3>Kva går jobben ut på?</h3><ul><li>Arbeide i ei tverrfagleg poliklinikk saman med fysioterapeut og ergoterapeut.</li><li>Gjennomføre individuelle og tverrfaglege utgreiingar, behandling og oppfølging av pasientar med behov for spesialisthelsetenester.</li><li>Utføre medisinske utgreiingar og kontrollar av pasientar i HAVO.</li><li>Bidra til fagutvikling og prosedyrearbeid i avdelinga.</li></ul><h3>Kva kompetanse er viktig i denne rolla?</h3><ul><li>Norsk autorisasjon som lege er eit krav.</li><li>Spesialistgodkjenning innan relevant fagområde er ønskjeleg. Aktuelle spesialitetar er mellom anna nevrologi, psykiatri, allmennmedisin og fysikalsk medisin og rehabilitering. Andre spesialitetar kan også bli vurderte.</li><li>Erfaring frå habilitering, tverrfagleg samarbeid eller arbeid med målgruppa er ein fordel.</li><li>Gode norskkunnskapar, både munnleg og skriftleg.</li></ul><h3>Kva ser vi etter hos deg?</h3><ul><li>Du har interesse for og motivasjon til å arbeide innan habiliteringsfeltet.</li><li>Du arbeider sjølvstendig og strukturert, og har god gjennomføringsevne.</li><li>Du har høg fagleg integritet og fokus på kvalitet i pasientbehandlinga.</li><li>Du samarbeider godt i tverrfaglege team og byggjer gode relasjonar til pasientar, pårørande og samarbeidspartnarar.</li><li>Du bidreg positivt til eit godt fagleg og kollegialt arbeidsmiljø.</li><li>Du er påliteleg og tek ansvar for eigne arbeidsoppgåver</li></ul><h3>Kvifor skal du velje oss?</h3><ul><li>Løns- og arbeidsvilkår i samsvar med gjeldande overeinskomst, samt gode pensjons- og forsikringsordningar.</li><li>Arbeidstid på dagtid i vekedagane.</li><li>Årleg 10 dagar fri med lønn til kurs/kongress og kr 35 000 til fordjuping i 100 % stilling, i tråd med avtaleverket.</li><li>Utdanningspermisjon med lønn i minimum fire månader per femårsperiode.</li><li>Sjukehuset kan hjelpe til med å skaffe personalbustad og barnehageplass.</li><li>Eit aktivt og triveleg arbeidsmiljø.</li><li>Moglegheit til å søkje om deltaking i vidareutdanning for legar innan kompetanseområdet habilitering.</li><li>Stillinga kan kombinerast med arbeid/vakt i annan avdeling.</li></ul><p><em>Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.</em><strong></strong><strong></strong></p><h3>Kontaktinformasjon</h3>Kari Anne Brynjelsen, Avdelingsleiar, &#43;47 52732940, kari.anne.brynjelsen&#64;helse-fonna.no<br />
Marian Yrke, Funksjonsleder HAVO, marian.yrke&#64;helse-fonna.no<br />
<h3>Arbeidsstad</h3>Longhammarvegen 36<br />
5536 Haugesund<br />
<h3>Nøkkelinformasjon:</h3>Arbeidsgivar: Helse Fonna HF<br />
<br />
Referansenr.: 5181182052<br />
Stillingsprosent: 50%<br />
Fast<br />
Startdato: 01.02.2027<br />
Søknadsfrist: 29.11.2026<br />
<br />

Lignende stillinger