Lege i spesialisering Ortopedi

<p> </p><p><strong>Ortopdiske leger ved Sjukehuset Nordmøre og Romsdal (SNR) – har ledig ei fast 100 % stilling og to vikariat i 100 % for Lege i spesialisering ortopedi.</strong></p><p>Vil du bli ortoped i eit aktivt og framtidsretta kirurgisk fagmiljø?<br />Vi søkjer engasjerte og fagleg motiverte legar i spesialisering (LIS3) til ortopedisk seksjon ved Sjukehuset Nordmøre og Romsdal (SNR).<br />Vi tilbyr ei fast 100 % stilling og to 100 % vikariat som Lege i spesialisering i ortopedisk kirurgi.<br />Hos oss blir du ein del av eit stort og aktivt ortopedisk fagmiljø med høg operativ aktivitet, brei fagleg kompetanse og gode moglegheiter for personleg og fagleg utvikling.<br />Vi legg vekt på at LIS-legane våre skal få ei strukturert, variert og operativt orientert spesialistutdanning, med gradvis aukande sjølvstende og tett samarbeid med erfarne ortopediske kirurgar.</p><p>Tilsetting i fast stilling frå november 2026, i vikariata tilsetting etter avtale.</p><br />
<h3>Arbeidsoppgåver</h3><ul><li>Klinisk arbeid ved ortopedisk sengepost og poliklinikk<br /></li><li>Deltaking ved elektive og akutte ortopediske operasjonar<br /></li><li>Utgreiing, diagnostikk og behandling av ortopediske pasientar<br /></li><li>Deltaking i ortopedisk vaktordning ved SNR Hjelset<br /></li><li>Mottak og behandling av traumepasientar<br /></li><li>Deltaking i internundervisning, fagutvikling og kvalitetsforbetringsarbeid<br /></li><li>Bidra til godt samarbeid mellom dei ulike yrkesgruppene i pasientbehandlinga<br /></li><li>Aktiv deltaking i eiga spesialistutdanning og dokumentasjon av oppnådde læringsmål</li><li>Arbeidet inneber teneste ved både SNR Hjelset og SNR Kristiansund, i samsvar med seksjonen sine arbeidsplanar og utdanningsløp.</li></ul><h3>Kvalifikasjonar</h3><ul><li>Norsk autorisasjon som lege<br /></li><li>Gjennomført og godkjend LIS1-teneste, eller tilsvarande teneste godkjend etter gjeldande regelverk<br /></li><li>Interesse for ortopedisk kirurgi og ønske om spesialisering innan fagområdet<br /></li><li>Gode norskkunnskapar, både munnleg og skriftleg<br /></li><li>Gode kommunikasjons- og samarbeidsevner<br /></li><li>Tidlegare erfaring frå ortopedisk eller kirurgisk verksemd er ein fordel, men ikkje eit krav</li></ul><h3>Personlege eigenskapar</h3><p>Vi søkjer deg som:</p><ul><li>Har interesse og motivasjon for kirurgisk arbeid<br /></li><li>Er lærevillig, fagleg nysgjerrig og ønskjer å utvikle operative ferdigheiter<br /></li><li>Arbeider strukturert og tek ansvar<br /></li><li>Trivst i eit aktivt klinisk miljø med varierte arbeidsoppgåver<br /></li><li>Har gode samarbeidsevner og bidreg positivt til arbeidsmiljøet<br /></li><li>Er oppteken av god pasientbehandling og pasienttryggleik<br /></li><li>Ønskjer å bidra til fagleg utvikling, undervisning og kvalitetsforbetring<br /></li><li>Personleg eignaheit vil bli vektlagd.</li></ul><h3>Vi tilbyr</h3><ul><li>Spesialistutdanning – vi satsar på LIS-legane våre</li><li>Vi har ein strukturert utdanningsplan for spesialisering i ortopedisk kirurgi. Utdanningsløpet omfattar fagrotasjonar, systematisk supervisjon, individuell rettleiing og planlagd progresjon innan operative ferdigheiter. </li><li><strong>Som LIS3 hos oss får du:</strong><br /></li><li>Brei erfaring innan både akutt og elektiv ortopedisk kirurgi. </li><li>Planlagde fagrotasjonar med definerte læringsmål. </li><li>Moglegheit for gradvis aukande operativt ansvar og sjølvstende. </li><li>Regelmessig internundervisning og faglege diskusjonar.</li><li>Individuell utdanningsplan og fast rettleiar</li><li>Deltaking i tverrfagleg samarbeid og traumebehandling. </li><li>Moglegheiter for simulering og kirurgisk ferdigheitstrening. </li><li>Tilrettelegging for nødvendige kurs og utdanningsaktivitetar</li><li>Utdanninga blir hovudsakleg organisert i seksmånaders fagrotasjonar. </li><li>Det blir lagt til rette for nødvendig høgspesialisert teneste ved universitetssjukehus som ein del av spesialistutdanninga.</li><li>Vi ønskjer at LIS-legane våre skal utvikle tryggleik, gode kirurgiske ferdigheiter, sjølvstendig vurderingsevne og eit solid fagleg fundament.</li><li><strong>Forsking, innovasjon og moderne kirurgisk teknologi:</strong></li><li>Ortopedisk seksjon ved SNR har eit aktivt forskingsmiljø med fleire doktorgradar, pågåande doktorgradsprosjekt og kliniske forskingsstudiar.</li><li>Gjennom forskingsmiljøet MORE – Møre og Romsdal Orthopaedic Research Group arbeider vi med klinisk ortopedisk forsking, kvalitetsforbetring og utvikling av framtidas behandlingstilbod.<br /></li><li>Vi har særleg aktivitet innan protesekirurgi, behandlingsresultat, kliniske studiar og moderne kirurgisk teknologi.<br /></li><li>SNR har teke i bruk robotassistert kneprotesekirurgi og har eit fagmiljø som arbeider aktivt med vidareutvikling av robotkirurgi, simulering og innovasjon.<br /></li><li>For LIS-legar med forskingsinteresse finst det moglegheiter for å delta i pågåande prosjekt og utvikle eigne forskingsaktivitetar.<br /></li><li>Seksjonen deltek òg i utdanninga av medisinstudentar frå NTNU.</li><li><strong>Om ortopedisk seksjon ved SNR:</strong><br /></li><li>Ortopedisk seksjon er ei av dei største operative verksemdene ved SNR og står for om lag halvparten av den kirurgiske aktiviteten ved sjukehuset.<br /></li><li>Den ortopediske verksemda er organisert som éin samla seksjon med aktivitet ved både SNR Hjelset og SNR Kristiansund.<br /></li><li>Seksjonen har eit breitt ortopedisk behandlingstilbod og eit etablert fagmiljø med om lag 14 overlegar og 8 LIS3-legar.<br /></li><li>SNR Hjelset er hovudarena for akutt ortopedi, traumatologi, større elektiv kirurgi, sengepostarbeid og vaktverksemd.<br /></li><li>SNR Kristiansund er ein viktig arena for elektiv ortopedisk kirurgi, avansert dagkirurgi og poliklinisk verksemd.<br /></li><li><strong>Seksjonen har brei aktivitet innan mellom anna:</strong><br /></li><li>Traumatologi og brotbehandling<br /></li><li>Hofte- og kneprotesekirurgi, inkludert robotassistert kirurgi<br /></li><li>Artroskopisk kirurgi og idrettstraumatologi</li><li>Skulder- og olbogekirurgi</li><li>Handkirurgi<br /></li><li>Fot- og ankelkirurgi</li><li>Ryggkirurgi<br /></li><li>Barneortopedi</li><li>Infeksjonskirurgi og revisjonskirurgi</li></ul><p>Den store variasjonen i pasientgrunnlag og operative prosedyrar gir eit godt utgangspunkt for ei allsidig spesialistutdanning.<br />Om Sjukehuset Nordmøre og Romsdal<br />Sjukehuset Nordmøre og Romsdal har verksemd ved Hjelset og Kristiansund og tilbyr spesialisthelsetenester til befolkninga i Nordmøre og Romsdal.<br />SNR Hjelset er eit moderne akuttsjukehus med gode fasilitetar for diagnostikk, behandling og kirurgisk verksemd. I Kristiansund er det omfattande elektiv og poliklinisk verksemd. Nordmøre og Romsdal byr på vakker natur, eit rikt kulturliv og gode moglegheiter for friluftsaktivitetar. Her ...[TRUNCATED]</p><h3>Kontaktinformasjon</h3>Kirsti Sevaldsen, Seksjonsleder, kirsti.sevaldsen&#64;helse-mr.no<br />
<h3>Arbeidsstad</h3>Opdølvegen 4<br />
6450 Hjelset<br />
<h3>Nøkkelinformasjon:</h3>Arbeidsgivar: Helse Møre og Romsdal HF<br />
<br />
Referansenr.: 5199552749<br />
Stillingsprosent: 100%<br />
Fast, Vikariat<br />
Startdato: 02.11.2026<br />
Søknadsfrist: 09.11.2026<br />
<br />

Lignende stillinger